Bi minasibeta destbikarbûna wî weke konsulê nû yê Almaniyayê bo herêma Kurdistanê, Alfred Sîms serdana civata wezîrên hikûmeta herêma Kurdistanê kir û ji aliyê serokwezîrê Kurdistanê ve hat pêşwazî kirin.
Di civînekê de, têkeliyên navbera herêma Kurdistan û Almaniyayê û çewaniya pêşxistin û berfirehkirina wan têkeliyan di hemû waran de hat behis kirin û her du aliyan li hemebr pêşkeftin û bilindbûna sewîyeya têkeliyan dualî kêfxweşia xwe nîşan da.
Rewşa siyasî û emnî ya Îraqê, rewşa Rojhilata Navîn û kirîza Suriyeyê û pirsa penaberên surî yên li herêma Kurdistanê, têkeliyên digel dewletên cîran bi taybetî digel Tirkiyeyê û pirojeyên hevbeşên di warê enerjiyê de û digel pirsa hilbijartinên vê dawiyê yên meha îlonê îsal yên parlamnetoya Kurdistanê û pêkanîna kabîneya nû a hikûmeta herêma Kurdistanê hatin minaqeşe kirin.
Konsulê nû yê Almaniyayê got ku, ew dê serdana kampên penaberên rojavayê Kurdistanê yên li herêma Kurdistanê bike û behsa wan hevkarî û alîkarîyan kir yên ku welatê wî bi rêya Neteweyên Yekgirtî û rêxistinên navdewletî pêşkeşî penaberên surî dike.
Konsulê konsulxaneya Almaniyayê a li herêma Kurdistanê sipasiya hikûmeta herêma Kurdistanê kir ku, xwendingeheke almanî li herêma Kurdistanê vekiriye.
Serokwezîrê Kurdistanê kêfxweşiya xwe li hember pêşkeftina têkeliyên bi welatê Almaniyayê di hemû waran de kir û tekîd kir ku hikûmeta herêma Kurdistanê pêşwaziyê li sermayedar û kompaniyên almanî ji bona encamdana pirojeyên xizmetgozariyê li herêma Kurdistanê dike.
