Salih Msilim ku di Kongeryê de yek ji Hevserokên PYD’ê hate hilbijartin di axivitina xwe bal kişand ser guhartinên di sîsetema PYD’ê de û got “Me guhartinek di peyker û şêwaza rêxistinê ya partiya xwe de çêkir, ji ber wê jî me hejmara endamên Desteya Rêveberiya PYD’ê ji 13 endaman kire 25 endam.” Kongre di bin dirûşma ‘Sûriyeke Demokratîk û Xweseriya Demokratîk ji bo Rojavayê Kurdistanê’ destpêkir. Li gor nûçeya ANF’ê, di Kongreyê de 200 endamên fermî yê PYD’ê amadebûn û zêdetirî 2000 mêhvan ji nûnerên siyasî yên; Kurdî, Erebî, Aşûrî, Suriyanî û Ermenî û kesayetiyên siyasî yên serbixwe tê de amadebûne, her weha ji ENKS, rihspiyên Ereb û Êzîdî jî di Kongreya de amabûn. Di Kongreyê de 200 endamên PYD’ê deng dan. Ji van dengan di rêza yekê de Salih Mislim 159 deng û di rêza duyê de Rîhan Mihemed 156 deng anîn û her du weke Hevserokên PYD’ê hatin hilbijartin. Salih Mislim di axivitina xwe de bal kişand ser mêhvanan û got ku tevlîbûna van mêhvanan nîşana wê yekê ye ku têkiliyên PYD’ê bi her kesî re heye û îdîayên tên kirin ku têkiliya PYD’ê nîn bê bingihin. Hêjayî gotinê ye, cara yekê ye PYD’ê derbasî sîstema Hevserokatiyê dibe.
Avestakurd
