Emîndariya Giştî ya ENKSê daxuyaniyek derbarê teqîna bajarê Qamişlo de belav kir.
Di daxuyaniya xwe de, ENKSê ew teqîn weke kiryareke terorîstî bi nav kir û ew bi tundî şermezar kir.
ENKSê got ku ev kiryara DAIŞê nikare îradeya gelê Kurd têk bibe û tekez kir ku ewê ji berê bêhtir girêdayî xaka xwe bin û berevaniyê di ber hebûna xwe ya netewî de bikin.
Emîndariya Giştî ya ENKSê bang li tevahiya hêzên siyasî kir ku rêzên xwe bikin yek û bi yek helwestê li hemberî hêzên tarî û di serî de li hemberî rêxistina DAIŞê rawestin.
Îro danê sibê li bajarê Qamişlo yê Rojavayê Kurdistanê 2 teqînan rû da di encamê de bi herî kêm 37 kesan jiyana xwe ji dest dan, 100 kes jî birîndar bûn.
