Cîgirê Serokê Dezgeha Xêrxwaziya Barzanî Mûsa Mûsa beşdarî bultena nûçeyên Rojavayê Kurdistanê ya televizyona Rûdawê bû û li ser alîkarîkirina Rojavayê Kurdistanê axivî.
Mûsa Mûsa derbarê alîkariyên Dezgeha Xêrxwaziya Barzanî bo Rojavayê Kurdistanê de ragihand, ew berdewam in li ser şandina alîkariyan bo Rojavayê Kurdistanê û alîakriyên wan qet neskinîne.
Mûsa herwiha got, wan 580 hezar dolarên amerîkî bo avedankirina Kobanî berhev kirine û ew dixwazin beşdarî di proseya avedankirina Kobanî de bikin.
Mûsa tekez kir, ku ew dixwazin bi xwe serpireştiya projeyên xwe yên bo proseya avedakirina Kobanî bikin û ew naxwazin alîakriyên bidin ti kes an jî aliyekê.
Cîgirê Dezgeha Xêrxwaziya Barzanî destnîşan kir, wan û kantona Kobanî hêj li ser wê yekê li hev nekirine û hêvî kir, ku ew lihevkirin pêk were.
Ji ber êrişên DAIŞê û şerê şervanên Yekîneyên Parastina Gel (YPG) bo parastina bajêr û herwiha bombebaranên firokeyên şer ên hevpeymanan beşek mezin ji Kobanî wêran bûye.
