Serokwezîrê Tirkiyê Bînalî Yildirim daxuyakirin ku rêkeftina Amerîka û Tirkiyê derbarê Minbicê de, wê di 3 mehan de bê bicihkirin, li gor rêkeftinê tevahiya endam û şervanên YPGê tên derxistin û encûmeneke xwecihî tê avakirin.Bînalî Yildirim, got welatê wî guh nade wê yekê ka ev dever rojhilat yan jî rojavayê Firatê ye, lê ew guh dide tehdîda li ser ewlehiya xwe û wê bi her wayekî li dijî wê tehdîdê derkeve, ji ber vê yekê Tirkiye û Amerîka gihiştne rêkeftineke taybet derbarê rewşa Minbicê de.
Yildirim balkişand ser vegera penaberên Sûriyê ji bo welatê xwe, û got: Heya niha nêzîkî 160 hezar penaberên Sûriyê ji Tirkiyê vegeriyane devera di bin kontrola hêzên Mertala Firatê de, herwisa nêzîkî 60 hezar penaber jî, ji Tirkiyê derbasî Efrînê bûne.