Li Tirkiyê her diçe, di navbera hikumeta AKPê û BDPê de gengeşî dijwar dibin. Hevserokê BDPê Selahattîn Demîrtaş, îro li Stenbolê, di çalakiya rêxistina navçeya Umraniyê de axifî. Demîrtaş, “her roj tu yê komkujiya bikî, bigrî, em ê bi te re ne muzakere, mucadelê bikin.” Demîrtaş, li ser gotina serokwezîr Erdogan a “qaleş” jî got, “em ne bratiya te ne jî qaleşiya te dixwazin.”
Demîrtaş wiha axifî : Li hemberî te, tevgera herî mezin a rojhilata navîn heye. Dema tu yê derbarê me de biaxifî, gorî wê tu yê biaxifî. Heddî xwe zanibe. Her roj tu yê tehdît bikî, heqaretan bikî, hevalên me bigrî, bi roj û şev qetlîaman bikî, tu yê bêjî muzakere. Careke din dibêjim, bi te re mucadele kirin peywira me ye. Heta dawiyê em ê bi te re têbikoşin, muzakereyan nakin.”
Demîrtaş, “teva ewqas heqaret, girtin û qetlîaman jî, em ê bi gelê xwe re bişêwirin, ka em ê di nav vê pergalê de bimînin an nemînin. Em ê vê mijarê bigrine rojeva xwe û binirxînin.”
Demirtaş diyar kir ku, ew ne mecbûrin bi ev pergala faşîzan re bijîn û ew xwedan alternatîfin. Demîrtaş, “her tim dibêjin yek welat. Qisurê nenêrin lê ew yek welatî ku hûn dibêjin, me jî welatê xwe tevê kiriye. Me Kurdistana xwe tevlê kiriye. Hûn ê vê jî fehm bikin û bi vê re rêzê bigrin.”
