Serok Barzanî der barê pêşketinên dawî yên di navbera Kurdistanê û Îraqê de bersiva pirsên rojnameya El Mede da. Serok Barzanî dibersivdana pirsên der barê mijara qeyrana di navbera Kurdistanê û Îraqê de got ” Kêşeya Kurdistanê beşeke ji kêşeya hikumraniyê li Îraqê ye, dema em daxwaziya çaksaziyê di desthilatê de bikin ew jî ji bo hemû pêkhateyên gelê Îraqê de ye.” Her weha berdewam kir û da diyarkirin ku Nûrî El Malikî bi rêkeftinê bûye Serokwezîr û got “Malikî xwest hemû rêkeftinan bi lez jibîr bike, her weha ew hemû rêkeftinan Malikî kir bi serokê hikûmetê, ji ber ku ew ne bi hilbijartinên rasterast hat ser desthilatê, ne jî bi derbeya leşkerî hatiye, belku bi rêkeftina parlemanê bû.” Serok Barzanî der barê çareserkirina pirsên heyîn de jî teqez li wê yekê kir ku “Kêşe tenê ew nîne, ji ber ku bi vî awayî bi temamî ev kêşe çareser nake, belku kêşeyên din yên metirsîdar dê bêne holê û wê serê xwe hildin, ne tenê li gel Kurdistanê, çûnkî Malkî bi tejî şaşî welat birêve dibe.” Serok Barzanî her der barê çareseriyê de weha berdewam kir “Piştî vegerîna şanda Herêma Kurdistanê ji Bexda, em bangî hemû aliyên siyasî yên Kurdistanî û partiyan dikim û hemû hûrgiliyên goftûgoyên şandeyê bi wan re parve dikimû pêkve emê biryar bidin. Eger Malikî Malikî berdewam be li ser çareseriya serbazî, bi dilniyayî em jî amadene, eger Malikî hêzên xwe paşda venekşîne, emê li gel aliyên siyasî gotûbêj bikin, emê jî hêzên xwe li pêşiya hêzên wan dihêlin û em rê nadin wan ku berve Kerkûkê û navçeyên din pêşbikevin, eger dest bi teqînê bikin emê carekê heya du caran xwe bigrin lê cara dawî emê neçar bin ku bersivê bi serbazî bidinê.” Serokê Herêma Kurdistanê li ser mijara pêşmergeyan jî got “Em bi tu awayî razî nabin ku pêşmerge li jêr fermana Malikî de bimîn, çareserî jî wek di rêkeftinê de hatiye, ew hêza hevbeş divê li jêr fermana serkidayetiya hevbeş de bê, ji ber ku Malikî red kiriye ku pêşmerge beşik be ji artêşa Îraqê.” Der barê heman mijarê de got ” Gelo emê çawa bawer bikin ku serokwezîr heya niha budceya pêşmerge nedaye û xwe li hemû rêkeftinan vedize, piştre jî xwe bike fermandarê wan.” Her weha Serok Barzanî diyarkir ku ew dest ji destkeftinên Kurdan bernadin û weha got “Ev destkeftane bi xwîna Kurd û qurbaniyan hatine destxistin û em dev jê bernadin.” Serok Barzanî teqez li wê yekê jî kir ku ewê destûr nede Malikî bi pêşeroja pêşmerge bilîze û weha pêdeçû “Pêşmerge hêzekî Îraqiye û ez amademe eger
Avestakurd
