Dostino…hogirno..
Gava ez bimirim
Bira xoceyên aqilên wan di lêvên wan de ne
ser min telqînê nexwînin
ji ber ku di jiyana xwe de
min tiştek ji Xwedê nexwest
û ti carî serê wî bi xwe re neêşand
Lo dostino..hogirno..
Gava ez bimirim
Dilopek hêsir ser min de mebarînin
jiyana xwe weke berê bidomînin
ji bo hûn dilê min di gorê de neguvişin
Lo dostino..hogirno…
Gava ez bimirim
Peyalek mey bi nave min vexwin
yekê ser gora min de birijînin
ji ber ku Cihan dereweke mezin e
Min bi meyê li xwe sivik dikir.
_______________
Erbîl /22.07.2013
