Peyamnêrên Rûdawê, weke nimûne bi hemû awahî têne astengkirin. Peyamnêrê Efrînê Comerd Hemdoş ji tirsa girtinê mal û zarokên xwe bi cih hîştin û ji tirsa girtinê û wendakirinê reviya, niha li Tirkiyê ye û newêre cihê xwe ji kesekî re bêje.
Peyamnêrê Rûdawê yê Qamişlo Pêşewa Behlewî û peyamnêrê Orient Rodî Îbrahîm jî, di nava nîvê rojê de li bazara Qamişlo, ji aliyê grûpek çekdarên rûgirtî de ku xwe weke Şervanên Malbata Şehîdê YPG (Artêşa PYD) bi nav dikirin, ew revandin, pişt re rûyê wan girtin, ew xistin otomobîlê û avêtin derveyî rojavayê Kurdistanê, ew ji bo başûrê Kurdistanê nefî kirin.
Dema ku ew avêtibûn derveyî sînorê Kurdistanê, çekdarên YPG ji wan gotibû, hûn xayîn in, cihê we li rojavayê Kurdistanê tune ye.
Niha Peyamnêrê Rûdawê li Duhokê ji bo Rûdawê kar dike. Rodî Îbrahîm jî li Hewlêrê ye, ew jî nikare vegere Qamişlo.
Peyamnêrê Rûdawê yê Dirbêsiyê Mihemed Beşar, girtin avêtine zindanê û sûcek avêtine stûyê wî goya qaçaxcîtiyê dike, ew di zindanê de baş tirsandin. Ew rojnamevanê zîrek bêdeng kirin. Neçar ma daxuyaniyekê bide raya giştî û destjikarkişandina xwe ragihîne.
Peyamnêrên din jî di bin tehîdêd ne.
Lê li aliyê din peyamnêrên medyaya rêjîma Sûriyê weke ku dixwazin kar dikin û li rojavayê Kurdistanê kolan bi kolan digerin û cihê ku biwxazin diçin wan deran, hebûna hêzên PYD bi tiştekî jî nahesibînin.
Rêxistina Peyamnêrên Bêsînor jî ku navenda wê Parîs e, di raporteke xwe de PYD bi tirsandin, girtin, îşkencekirina û nefîkirina rojnamevanan tewanbar kir û jê xwest ku yekser dawî li wan kiryarên xwe bîne.
Rêxistin di raporta xwe de dibêje ku li rojavayê Kurdistanê ku di bin destê PYD de ye, bi tu awahî demokrasî û mafê azadiya bîr û baweriyê nemaye û li wî derê siyaseta çewsandin û tirsandinê dimeşe.
Rêxistinê di raporta xwe de PYD û hêzên girîdayî wê, weke rêxstinên kiryar dîktator bi nav kiribû.
AVESTA KURD
