Dîroka mala Paşayê Millî ku ji bêtrirî hezar qebîleyan pêk tê, xwe dirêjî 400 salan berî niha dike. Wê malbatê salên dûr û dirêj hukumdariya beşekî mezin ji axa Kurdistnê kiribû.
Malbata Paşayê Milî ji Wêranşar ku Îbrahîm Paşa bi xwe ew bajar ava kiribû, û ji Ruha, dest pê dike heta Amed û Wanê dirêj dike. Li dijî wê malbatê gelek ferman derket, heta ku li dawiyê li Serê Kaniyê li rojavayê Kurdistanê cîwar bû.
Di dema fermana Ermeniyan de, vê malbatê gelekî alîkariya Ermeniyan kiribû, û ew ji komkujiyn parastibûn. Lêkolînvan dibêjin Îbrahîm Paşa Millî 10 hezar Ermenî ji kokujiya 1915 rizgar kiribûn.
Ebdul Îlah Paşa, neviyê Îbrahîm Paşayê Millî bû, û di sala 1949 de ji dayîk bûbû, û wê sibe li bajarê Kolnê were veşartin.
