“Segên serokên Amerîka wefadar in”
Rûdaw / Di navbera serokên Amerîka û segên wan de, wefadarî û dostaniyeke baş heye. Di Qesra Spî de, xwedîkirin û dostaniya di navbera serok û seg de, tradîsyonek e. Ew ji dema serok John Fitzgerald Kennedy ve heye. Serok her demê segê xwe bi xwe re biriye Qesra Spî û hevaltiyeke pir samîmî pêre kiriye. Heta gelek pisporên ku nûçeyên Qesrê ji nêzîk ve dişopînin dibêjin Seg dostê herî nêzîk yê serok bû ye.
Di dema hilbijartinên seroktiyê de bavê John Fitzgerald Kennedy, weke diyariya herî bi nirx, segek pêşkêşî wî kir.
Sûretên gelekî balkêş yên serokê berê yê Amerîka Bill Clinton ligel segên wî hene.
Hevaltiya G. W. Bush bi segê wî re, nimûneyek e. Hema hema, wî segê xwe bi xwe re dibir hemû deran. Rojnameya Daily dinivisîne ku wî, gelek caran segê xwe re dibir protokolan jî.
Serokê niha Barak Obama her demê segê xwe nêzîkî xwe dîtiye û carekê jî di civîneke çapemeniyê de gotibû: “Divê em weke mirovan bi segan re bidin û bistînin, ji ber ku ew gelekî dilsoz û wefadar in”
Bêguman segên Kurdan jî gelekî wefdar in, lê belê weke ku li Amerîka qîmeta wan heye, li Kurdistanê qîmeta wan tune ye.
Gelo wê rojek were, em jî weke miletên din bibînin ku serokê me tevî segên xwe derdikevin seyranê û bi xwe re digerînin!
