Partiya Kurdistanî (PAKURD) yekemîn partiya Kurdî ya Digîtal e.
Duyemîn Kongreya xwe ya asayî bi riya online çêkir.
Di hilbijartinê de Gewran Goyî 64, Sîdar Gergerî 38 dengên delegeyan anîn.
Bi piraniya dengan Gewran Goyî bû serokê giştî yê PAKURD.
Berê Îbrahîm Xelîl Baran serokê wê bû.
Gewran Goyî kî ye?
- Gewran Goyî ji xelkê Şirnexê ye.
- Li Zanîngeha Mêrdînê Kurdolojî, li Zanîngeha Enqerê Sînolojî û li Zanîngeha Hacettepe jî mastera xwe kiriye.
- Gewran Goyî demekê li Bakurê Kurdistanê mamostetiya Kurdî jî kiriye.
- GBi bursa PAKURD li Fînland û Almanya jî li ser pedagojî û zanistên perwerdeyê masterek xilas kir.
- Teza wî ya masterê li ser perwerdeya zarokên Kurd ên li dîyaspora bû û li Zanîngeha St. Petersburgê jî li ser Perwerdeya li Sovyetê xwendina xwe berdewam kir.
- Gewran Goyî 3 salan li Fînlanda mamostetiya zimanê Kurdî bû û niha li wir wekî Koordînatorê Pedagojiya Ziman kar dike.
- Gewran Goyî bi zimanên Kurdî, Tirkî, Îngilîzî, Fînî, Çînî, Swêdî û Rûsî dizane.
