Arşîva salane: 2015

Ew keça kurd a êzîdî, dema ji aliyê çekdarên DAIŞê ve hat revandin, temenê wê 15 sal bû lê rastî destdirêjiya hovane ya wan hat û ducanî bû! Wê keça kurd, ku niha ji nav lepê DAIŞê rizgar bûye, ji Rûdawê re behsa tiştên ku hatine serê wê, kir.

Serokwezîr Nêçîrvan Barzanî pêşwaziya wezîrê derve yê Tirkiyê Feridon Sinirlioglu û şanda ligel wî kir. Sinirlioglu kêfxweşiya xwe bi serdana herêma Kurdistanê anî ziman û diyar kir ku pêwîst bû ew berî demekê bihatiba, lê rewşa navxwe ya Tirkiyê serdana wî bi paşxist. Serokwezîr Barzanî serkeftina hilbijartinên Tirkiyê pîroz kir û di hevdîtinê de behsa pêwendiyên di navbera her du welatan de hate kirin.

Nêçîrvan Barzanî serokwezîrê herêma Kurdistanê, îro roja duşemiyê 02.11.2015ê li bajarê Hewlêrê pêşwazî li Margot walstrom wezîra karê derve ya Swêdê û Peter Hultqvist wezîrê parastinê yê Swêdê û şandeya bi wan re kir.

Navê parlamenterên nû

Li Kobanî, roja 26.10.2015 welatiyekî ji Kobanî bi navê Fêsel Mistefa Hecano, ku 3 zarokên wî di nava YPG û YPJ de bûn û xwestibû keça xwe ya di nava YPJ de bibîne, û fermandarên YPG-YPJ nehîştibûn, li dijî wê biryarê xwe şewitandibû, piştre ew rakiribûn nexweşxaneyeke Sirûcê, duh roja 01.11.2015 jiyana xwe ji dest da.

Di hilbijartinên Tirkiyê de gelê kurd çi got: 1- Got, dema kolandina hendekan li kolanên bajaran derbas bûye. 2- Got, divê Bakûrê Kurdistanê nebe Gaze û rêberên me nebin Hamas. 3- Got, şerê li ser maseyan zor e, lê divê bi sebreke dirêj were birêvebirin. 4- Got, projeya xweseriya demokratîk bi sloganan nayê lidarxistin. 5- Got, dibe mirov bibe partiya Tirkiyê, lê nabe mirov dev ji projeya netewî berde. 6- Got, nabe mirov siyasetê bi xwîngermî bike, û nabe mirov hefsarê wê bike destê mirovên rûgirtî de. 7- Got, em we dişînin parlemento ji bo bi navê me siyasetê bikin, ne pişta xwe bidin siyasetê û lûlên tifingan hembêz bikin. Hêvîdarim HDP û Qendîl banga gel li ser guhan re navêjin!!!

Namzedê Amedê yê serbixwe Haşim Haşimî got, PKKl gel aciz kir û ji ber wê yekê jî dengderan berê xwe dan AK Partiyê.

HDP di hilbijartinên 7 hezîranê de 80 parlamenter derbasî parlamentoyê kir, niha li gor encamên niha hejmara parlamenterên wê dakete 59. Her wiha CHP û MHP jî deng wenda kirin, AKP gelek deng qezenc kirin û wê êdî bikaribe bi tena xwe hikûmetê ava bike.

Mezintirîn dengdêr di van hilbijartinên Tirkiyê de li navçeya Îruh a ser bi bajarê Sêrtê yê Bakurê Kurdistanê bû, ku kurdekî 130 salî bû.

Şoreşek di matamatîkê de çêkir (vîdyo)