Sekreterê Partiya Pêşverû ya Kurd li Sûriyê Hemîdê Hecî Derwêş, di hevpeyvîneke xwe de ligel rojanmeyeke herêmî li rojavayê Kurdistanê got, heta niha Esed serokê Sûriyê ye, û ewê bi rêzgirtin jêre bêje, birêz Dr. Beşar Esed.
Li ser beşdarnebûna di civîna Himêmîm de, Hec Derwêş dibêje, wan nexwest di bin ebaya PYD de beşdarî civînê bibin, û diyar kiriye ku civîna Himêmîm ne serkeftî bûn, û kesên ku çûbûn di heman rojê de vegeriyan.
Hecî Derwêş her wiha gotiye, ew otonomiyê dixwazin û divê her Kurdek wê yekê bibihîse.
Sekreterê partoya Pêşverû ji ENKS daxwaz dike ku xwe ji nava Itîlafê bikişîne, ji ber ku Îtîlaf itîrafê bi mafê gelê Kurd nake û helwesta rêjîmê ji ya Îtîlafê baştir e.
Li gor ku di hevpeyvînê de hatiye, parêzgarê Hesekê serdana wî kiriye û bi hev re xwarineke xweş jî xwarine.
