Serokê PYD Partiya Yekîtiya Demokratîk) ku weke şaxekî PKK li Sûriyê tê dîtin, Salih Mislim got hinek alî dixwazin partiya wan bi hevkariya ligel rêjîma Esed lekedar bikin.
Mislim her wiha got, ne rastin ew gotinên ku têne kirin û dibêjin ji xistina Esed ew dixwazin armancên PKK bi cih bînin.
Salih Mislim ku bi xwe ji bajarê Kobanî ye, di hevpeyvîna ligel ajansa Inter Press Service de, Tirkiyê tehdîd kir û got eger Tirkiyê bikeve axa Siriyê wê Kurd li dijî Tirkiyê liber xwe bidin.
Mislim berdewam kir û got bi xêra Rûsya û Çînê Tirkiyê nikaribû bi alîkariya NATO jî armancên xwe li Sûriyê pêk bîne û bikeve axa Sûriyê.
Salim Mislim her wiha diyar kir ku li Sûriyê ajanên istîxbarata Tirkiyê gelek in û bi ferehî kar dikin.
Mislim got ewê Tirkiyê poşman bikin, eger hewl bide bikeve axa Sûriyê.
AVESTA KURD
