Îro, ji teref rojnameya Milliyetê ve, naveroka hevdîtina li Îmraliyê a di navbera şandeya BDP, ku ji Parlementer Sirri Sureyya Onder, Pervîn Buldan û Altan Tan pêk dihat, û Rêberê PKKê Abdullah Ocalan de hete eşkerekirin.
Li gorî girteyan, Ocalan diyar dike ku, ger vekişandina PKKê bibê, wê bi biryara meclîsê PKK xwe vekişîne. Dîsa Ocalan dibêje, em ê pergala serokatiyê a Erdogan destek bikin.
Li ser pirsa Parlementerê Stenbolê Sirri Sureyya Onder a, “ji bo Rojava ti gotineke we heye?”, Ocalan ev gotina kiriye: “Bila Kurdên Rojava, bi herdu aliyan re jî hevdîtinan pêk bînin. Ku kî mafên wan wê bide, bila bi wan re bixebitin. Bila Eniya Rizgariya Demokratîk a Suriyê hebe û Kurd, Ereb, Tirkmen bila hemû di nav de cihê xwe bigrin. Selefiyên Siûdî gellekî bi taluke ne. Esed, ji xwe dîktatoriyeke biçûk a burjuvaziyê ye. Kurdên Rojava nikarin têkevine bin fermana Barzanî. Xeta Barzanî cuda ye. Kurd bila mutleqa hêzeka xweparastinê avabikin.”
