Di kargeriya Enstîtuya Kurdî ya Stenbolê de, bi salan em bi hev re wekî dost, heval, wekî kek û bira, wekî ap û birazî xebitîn. Rojekê dilê kesî nehişt. Herdem xebat, herdem ronahî û herdem hesreta welat… Cihê te bihuşt be Seydayê pisporê Meleyê Cizirî. Em te tu carî jibîr nakin… (Hasan Kaya)
Kî bû?
Kî bû?
Celalettin Yöyler (bilêvkirina bi kurdî: Celaledîn Yîoyler, * 1941) yek ji nivîskar, rojnamevan û lêkolînerên wêjeyî yên Kurd e.
Li cur be cur medreseyên Kurdistanê xwendina olî û gramera Erebî dîtiye. Di 1966‘î de, bûye melayê gundê xwe yê bi navê Xanik. Di 1983‘î de, ji Meletîyê malnişîn bûye. Sala 1989’î,bûye endamê meclîsa parêzgeha Mûşê.
- 1990, bûye serokê HEPê yê navçeya Milazgirê û serokatiyê heya bidawîhatina partiya DEPê domandiye. Heman salî hatiye girtin di girtîgeha Erzinganê de çend mehan maye.
- 1994, mala wî şewitandine û koçê Stenbolê kiriye. Li bajarê Stenbolê yekem car xwedîtiya rojnameya Azadiya Welat kiriye. Digel xwedîtiya vê rojnameyê demek kurt xwedîtî li rojnameya rojane ya, Demokrasî (rojname) yê jî kiriye.
- 1997‘an de bûye endamê enstîtuya kurdî ya Stenbolê. Di endamtiya xwe de xebata senatoya enstîtuyê digel hevalan daye meşandinê û bûye endamê navenda HADEP ê. Dûv re bûye endamê rêveberiya enstîtuya kurdî ya Stenbolê.
Yöyler digel xebata enstîtuyê, heft sal li ser şiroveya dîwana Melayê Cizîrî xebitiye û ev berhem pêşkêşê enstîtuyê kiriye. Di beriya dîwanê de, di sala 1997‘î de berhemek bi navê Gelperwerî û Nîjadperestî nivîsiye û bêyî ku bide weşanxaneyan belav kiriye. (Wikipedia)
