Di daxuyaniyekê Wezareta Pêşmerge de, ku wêneyek jê gehiştiye destê KDP.info û têde hatiye: “Ev çend rojin di dezgehên ragihandinê û torên civakî yên DAIŞê wêneyê hijmarek Pêşmergeyên qehreman belavkirine, ku bi şaşî hijmarek Pêşmerge rêya xwe winda kiribûn û hinek bi birîndarî ketibûn destê terorîstên DAIŞê û reftarên xerab û nemirovane ligel wan de kiribûn, em reftarên han, nîşana tiris û bê exlaqiya DAIŞe, û zêdetir pabendnebûna wan bi hemû behayên asmanî û mirovî derdixe.”
Daxuyaniyê hevdem tekez kiriye ku “bi hemû aliyekî radighînin ku em gelekî bi widî çavdêriya hemû awayekî ji tevger û reftarên wê taqimê û wan kesan dikin ku hevkarî û alîkariya DAIŞê dane. Her metirsiyek li ser jiyana wan Pêşmergeyan hebe, dê bi awayekî giran bi ser DAIŞ û hevkarên wê de bikeve.”
