Arşîva mehane: Çile 2016

Asayîşa PYD li rojavayê Kurdistanê li bajarê Dirbêsiyê peyambêrê YEKÎTÎ MEDIA Cengîn Elîko revandin û bi boriyên ji hesin ew îşkence kirin. kesên ew revandine rûyê wan girtî bûye bi kurdî û erebî axifîne û gotine ew asayîş in, şahidhal jî dibêjin ew asayîş bûn.

Endamê Komîteya Navendî ya PDK-S Dr. Kawa Ezîzî di hevpeyvîneke xwe ji bo RojavaNews , bersiva hevpeyvîneke hevserokê PYD Salih Mislim da û got, ew bi heykelê xwe yê mezin û mjiyê xwe yê biçûk dixwaze şerê îradeya navdewletî bike. Ezîzî got, derbasbûna pêşmergeyên rojava ne di destê Salih Mislim û ne jî di destê partiya wî de ye. Mislim di hevpeyvîneke xwe de ji bo rojnameya erebî El Qudus El Erebî got, bila Pêşmerge tevlî YPG bibin, ew nahêlin pêşmerge derbas bibin û eger derbas bibin wê şerê birakujî derkeve. Ezîzî her wiha got, tiştek bi navê şoreşa rojava tune ye, tiştek heye ew jî PYD bi wekalet karê rêjîma Sûriyê dike, û ew ne îtîrafê bi rêjîma Sûriyê dikin ne jî bi wekîlên rêjîmê.

Navê yê rasyî Ruqiye Hesen Mihemed bû, di sala 1985 de ji dayîk bûbû, navê yê çalakiyan Nîsan Îbrahîm bû. Li zankoya Helebê beşê Felsefê xwendibû, lîsans stadibû.Bi sûcê ku pêwendiyên wê bi hinek aliyên li dijî Daişê re hebû, DAIŞ ew di Tebaxa 2015 de girtibû, piştre jî îdam kiribû. Nîsan ji Kobanî ji gundê Xerabîsan bû. DAIŞ qedexe kiribû ku malbata wê xebera îdamkirina keça xwe belav bike. Nîsan çalakvaneke zîrek li ser torên civakî, çi tiştê ku li Reqa çêdibû, digihand raya gişî.

Hevserokê Partiya Yekîtiya Demokratîk (PYD) Salih Mislim di hevpeyvîneke xwe de ji bo rojnameyeke erebî got, eger Pêşmerge dixwazin vegerin Rojava, bila tevlî YPGê bibin, eger pêşmerge derbas bibin wê şerê birakujî derkeve. Mislim bal kişande ser wê yekê ku gerîla ji Qendîlê çûne rojava û di şer de alîkariya wan kirine. Hevserokê PYD got, tiştek bi navê ENKS tune ye, tenê 2 partî wî navî ji xwe re bi kar tînin û ew talîmatan ji derve werdigirin, wan heta niha îtîraf bi rêveberiya xweser nekirine, heta ku ew itîrafê pê nekin ew nikarin di nav de cih jî bigirin.

AVESTA KURD - Civan Îsmaîl Silê,an Mihemed şervanê YPG bû. Bahoz jî birayê wî bû, ew pêşmergeyê Rojava bû. Ev 3 sal bûn wan hev nedîtibûn. Duh Civan ji Qamişlo hatibû başûrê Kurdistanê û serdana birayê xwe yê pêşmerge kiribû. Hevdîtina wan li ser sînorê di navbera başûr û rojavayê Kurdistanê de çêbûbû, li Sinon û Rebîe. Îro (02.01.2016) YPG ji malbata wî re got ku Civan li ser sînorê Tirkiyê bi destê eskerên Tirk di şerekî de şehîd ket. Malbat dibêje, tu şerek di navbera YPG û eskerên Tirk de çênebû ku ew şehîd bike. Dibêjin ew ji aliyê YPG bi xwe ve hatiye kuştin. Li gor jêderên nêzîkî malbata wî, ji ber ku Civan sînor derbas kiriye, ew hatiye tesfîyekirin. Di derbarê vê yekê heta niha YPG tu daxuyanî nedaye.

FPS Oyunları Nasıl Oynanır?

Pêşkêşkar: DILBIXWÎN DARA Wergerandin û Dublaj: XALID CEMÎL MIHEMED Hewlêr (Rûdaw)- Parlementerê Sûriyê Şerîf Şhade ragihand, li Almanyayê, bêhtir ji 10 milyon kurd hene,...

Endamê Komîteya Navendî ya PDK-S li Efrînê, Ebdulrehman Apo beşdarî bultena nûçeyan ya Rûdawê bû û got xort li Efrînê nemane, her kes ji ber êrîşên asayîşa PYD û eskeriya bi zorê direve. Got: Kesek tunebû gora diya min bikole...

Rûdaw şevê din Sersala Parîs rûmal dikir û di weşana zindî de keçekê maçek li peyamnêrê Rûdawê da. Peyamnêrê Rûdwê Hejar Erguşî ji Parîsê ahengên Sersalê rûmal dikir û di wê rûmalê de kêfxweşiya diyar dibe. Di dema rûmalê de kurekî maçî Hejar û hejar got: “Hemû peyamnêr keç maçî wan dikin, lê şensê min e ku kurekî maçî min kir.” Lê piştre keçek û hevalê xwe hatin û her yekê ji wan maçî aliyekî ji riwê Hejar kir. Derbarê cudahiya di navbera kolana Îskan a Hewlêrê û cadeya Champs-Elysesê ya Parîsê de, peyamnêrê Rûdawê ragihand: “Hin tişt li Îskan hene li Elysesê tune ne, bêguman tiştên ku li Elysesê jî hene li Îskan tune ne.”