“Em Dewleta Kurdî naxwazin neyên lîstika Barzanî”
Serkirdeyê PKK Riza Altun di hevpeyvîneke xwe de ligel televîzyona Nûçe TV (televîzyona PKK) got ew naxwazin dewleta kurdî were avakirin û divê kesekê nekeve nava lîstika Partiya Demokrata Kurdistanê (PDK) û Barzanî ya avakirina dewleta kurdî.
Altun di hevpeyvîna xwe de got PDK dixwaze dewleteke serbixwe ya kurdî ava bike û nabe kesek bikeve wê lîstikê.
Altun êrîşî serokê herêma Kurdistanê Mesûd Barzanî kir û got, ew heta niha jî başûrê Kurdistanê weke serokeşîrekî îdare dike.
Çima xwîna Kurd li Reqa were rijandin? (vîdyo)
Kurd çima beşdarî operasyona kontrolkirina Reqa dibin?
- Çima wê ciwanên Kurd biçin xwîna xwe li Reqayê birjînin?
- Reqa Kurdistan e? Na!
- Kurd li Reqayê mane? Na!
- Ma paqijkirina Sûriyê ji DAIŞ, bi Kurdan maye?
- Madem mesele tunekirina DAIŞê ye, çina naçin Cerablusê ji
destê DAIŞ dernaxînin, ku tenê çend metreyan dûrî Kobanî ye
- Madem DAIŞ xetere li ser rojavayê Kurdistanê, çima
pêşmergeyên rojava derbas nabin û mil bi milê YPG şerê terorê
nakin?
- Îro Emerîka di şerê DAIŞ de pişta YPG digire, eger sibe hedefa
xwe pêk anî, û derket, garantî çi ye ku YPG bi tenê nemîne.
- Gelo hinek hêzên navdewletî karê xwe bi YPG diqedînin, ji xwe
re bi kar tînin?
- Gelo, hinek hêzên opozîsyonê ji xwe re ENKS bi kar tînin...
- Dinya me ji xwe re bi kar tîne, û kesekî heta niha ittîraf bi me
Kurdên rojavayê Kurdistanê nekiriye...
Mêvan:
Îbrahîm Kaban: Çalakvan
Mervan Badînî: Çalakvanê Civaka Sivîl
Çima ne Cerablus?
Reqa û Mûsil hêlînên hovîtî û tundrewiyê ne. Ew li ser mirovahiyê gef in. Di tinekirina wê gemariyê de cihgirtin, serfirazî ye.
Salih Mislim cara yekemîn îttîraf dike
Hevserokê PYD Salih Mislim, di hevpeyvîneke xwe de ligel malpereke nêzîkî partiya xwe got, Tirkiyê, Qeter û Siûdiyê li pêşiya wan bûne asteng û ji bo ber wê yekê wan nikaribûn pêwendiyên xwe yên navdewletî pêşve bibin.
Mislim, rexne li siyaeta Rusya û Emerîka girt û got, ew naxwazin Kurd li Sûriyê bibin xwedî statuyek û ne cidî ne.
Li got hevserokê PYD, sebeba ku kesekî itîraf bi federaliya Rojava - bakurê Sûriyê nekir, dîsa Tirkiyê ye. Tirkiyê li her derê li dijî wan kar kir û nehîşt ku itîraf bi wan were kirin.
Salim Mislim, bal kişande ser wê yekê û got dema wan rêveberiya xweser û sîstema federaliyê ava kirin, wan destûr ji kesekî nestandin, ji ber wê yekê niha li dijî wan derdikevin.
Barzanî: Divê Pêşmergeyên Rojava vegerin
Şêwirmendê Encumena Asayişa Herêma Kurdistanê Mesrûr Barzanî tekezî li ser pêwîstiya vegera Pêşmergeyên Rojava bo Rojavayê Kurdistanê kir.
“PDK bi birçîkirinê dixwaze rojava terbiye bike”
Salih Mislim: PDK xelkê birçî dike
Hevsrokê PYD Salih Mislim, li Kobanî li gundê Tilêcbê civînek çêkir û têde behsa rewşa rojavayê Kurdistanê û Sûriyê kir.
Mislim di axaftina xwe de her wiha bal kişande ser siyaseta PDK û got ew siyaseteke şaş dimeşîne û siyaseta Partiya Demokrata Kurdistanê ziyaneke mezin digihîne gelê Kurd.
Bi gotina Salih Mislim, AKP û PDK bi hev re ambargo danîne ser gelê rojavayê Kurdistanê, û got PDK dixwaze bi birçîkirinê rojavayê Kurdistanê terbiye bike, lê gelê Kurd li rojavayê Kurdistanê ne mumkune wê bêrûmetiyê qebûl bike.
Hevserokê PYD got, PDK ji bo ku mudaxeleyî Şengalê bike, alîkarî ji artêşa Tirkiyê xwest û hevkarî pêre kir.
Amûdê li dijî PYD û Tev Dem meşiya (vîdyo)
Amûdê li dijî PYD û Tev Dem meşiya