Dozgeriya Giştî ya dadgeheke bi navê Dadgeha Parastina Gel, doz li dijî serokê ENKSê Ibrahîm Biro vekir.
Dozgeriya ser bi rêveberiya xweser ve serokê ENKS bi xiyanet, bi rabûna karên terorîstî û kuştina sivîlan tohmetbar dike.
Dozgerî idîa dike ku pêwendiya Îbrahîm Biro wî bi grûpên çekdar ên terorîst re heye û çend grûpên çekdar wekî Ketîbeya Mişeel Temo, Ketîbeya Azadî û Ketîbeya Selahedîn Eyûbî ava kirine.
Dozgeriya giştî dibêje ku Ibrahîm Biro, ji dema ku bûye serokê ENKSê, ew li dijî YPGê kar dike û şerê rêveberiya Xweser û federalîzma bakurê Sûriyê dike.
Serokê ENKSê Îbrahîm Biro bersiva tometên dadgeha Rêveberiya Xweser da û ragihand, ku ev tometa ne rast ji bo wê yekê ye, ji bo ku ew nikaribe vegere Rojavayê Kurdistanê û beşdarî kongireya ENKS û kongireya partiya xwe bibe, PYD biryareke wiha derdixîne.
Biro herweha dazanîn, ku eger tiştek bi serê wî were, PYD wê berpirsyar be.
