Rêkxistina El Partî li Efrînê di daxuyaniya xwe ya nivîskî de diyar kir ku Partiya PYD endamên wan digire û îşkenceyên giran li wan dike.
El Partî di daxuyaniya xwe de dibêje di encama êrîş û îşkencekirina 2 endamên El Partiyê yên bi navê Siyamend Brahîm û Cêgir Hemo, ji aliyê asayîşa PYD ve, lal bûne.
El Partî dibêje ew ji rêkxistin û dezgehên mafên mirovan yên navnetewî daxwaz dikin ku rê li ber binpêkirina mafên mirova ji aliyê PYD ve, li herêma Kurdan rawestin.
AVESTA KURD
Partiya Demokrat a Kurd li Sûriyê (El Partî) daxwaz ji saziyên mafên mirov ên kurdî û navdewletî dike, “êrişa hêzên PYDê li dijî endamên El Partiyê” bidin sekinandin.
Rêxistina Efrînê ya El Partiyê di daxuyaniyeke nivîskî de ragihand ku girtin û êşkencekirina endam û alîgirên wan ji aliyê hêzên asayişa PYDê ve li rojavayê Kurdistanê didome.
Li gorî daxuyaniyê, di encama êriş û êşkencekirina hêzên PYDê de 2 endamên El Partiyê yên bi navê Siyamend Brahîm û Cêgir Hemo lal bûne.
Di beşek din a daxuyaniyê de El Partî ji saziyên mafên mirov ên kurdî û navdewletî xwestiye bi hewara endamên wê biçin û pêşiya êriş û serkutkirina PYDê li dijî endam û alîgirên wê partiyê bigirin.
Di dawiyê de El Partiyê kiryarên hêzên PYDê li dijî endamên xwe şermezar dike û vê yekê wek binpêkirina mafên mirov û qanûnên navdewletî binav dike.
– See more at: http://rudaw.net/NewsDetails.aspx?PageID=21288#sthash.x0QxmEtP.dpuf
