Rojnamevan, lekoler û nivîskarê navdarê fransî Chris Kutschera di temenê 79 salî de koça dawî kir.
Chris Kutschera di sala 1938ê de li Fransayê ji dayik bibû. Yek ji lêkoler û nivîskarê navdar e ku bi taybetî li ser Rojhilata Navîn û kurdan xebat kiriye. Heta niha derbarê pirsa kurd de 5 pirtûk, bi dehan gotar, rapor û lêkolîn amade kirine.
Chris Kutschera gelek caran serdana Başûrê Kurdistanê kiriye. Bi taybetî jî di qonaxên cuda yên şoreşa kurdî de li Kurdistanê pirtûkek yaybetî li ser “xewna kurdan a serxwebûnê” nivîsiye.
Wî di zanîngeha Sorbonne de xwendina xwe kiriye û di sala 1960’î de li Guatemalayê dest bi rojnamevaniyê kiriye.
Kutscera di rojnameyên weke Le Monde Diplamatique, Le Monde Coailys, The Middle East Magazine, El Wasat û El Mundo de derbarê jiyan û serhildana kurd û Kurdistanê de gelek gotar û nivîs nivîsandine.
Chris Kutschera û hevjîna wî xwediyê arşîveke mezin ên wêne û dîmenan in, ku piraniya wan jî yên qonaxên cuda û serkirde û kesayetên navdar ên kurd in. beşek ji wan wêne û vîdeyonên şoreşa kurdî ji aliyê Chris Kutschera ve hatine tomarkirin.
Kutschera nexwşiya Parkinson girtibû û ji ber vê beşek ji mejiyê wî felc bibû. Chris Kutschera roja 31ê Tîrmeha 2017ê koça dawî kir.
Beşek ji pirtûkên Chris Kutschera ev in:
Dîroka kurd di sedsalên 19 û 20 de
Pirtûka Reş a Saddam Hisên
Çîroka dîroka Kurdistanê
Tevgera Neteweyî ya kurd û hêviya serxwebûnê
Xewna Dîn a Serxwebûnê.
Kurdistan, rêberê edebyat
Geşta dûr û dirêj a kurdan, komkirina hevpeyvînên 40 salan li ser Kurdistanê
Di 25ê Nîsana sala 2013ê, Serokê Herêma Kurdistanê Mesûd Barzanî, “Madalya Barzanî pêşkeşî Chris Kutschera û hevjîna wî kir.
