Hêzên Çekdar yên Tirkiyê li ser Twîttera xwe belav kir ku îro wan bi 27 balafiran êrîşî herêma Efrînê kirine û di şer de 2 termên eskerên wan wenda ne.
Artêşa Tirkiyê her wiha radigihîne ku wan heta nîvro 47 hedef bombebaran kirine û tune kirine.
Artêşa Tirkiyê di Twîtta xwe de idîa dike ku wan 287 şervanên YPG kuştine.
2 eskerên ku duh li herêma Efrînê hatibûne kuştin jî, bi gotina Artêşa Tirkiyê, ji ber rewşa şer û ji ber xerabiya hewaya herêmê wan nikaribûn laşên her du kuştiyan bibin.
Êrîşên li dijî herêma Efrînê roja şemiyê 20 vê mehê, ji aliyê artêşa Tirkiyê û çekdarên wê ve, saat 17.00 dest pê kirin.
