Çekdarên opozisyona Sûriyê yên ser bi Tirkiyê ve bi temamî av li ser Efrînê qut kirin.
Piştî ku wan çekdaran bi piştevaniya artêşa Tirkiyê gundê Metîna û sentrala sereke ya ava Efrînê kontrol kirin, av bi temamî li ser Efrînê qut kirin.
Çavkaniyekê ji bajarê Efrînê ji Rûdawê re got niha berpirsên xwecihî hewla xebitandina 6 bîrên nav bajarê Efrînê didin.
Heman çavkaniyê diyar kir ku xebitandina wan bîran zehmete û heger hatin bikaranîn jî ava wan têra xelkê Efrînê nake.
Li gorî çavkaniyê, hejmara nişteciyên Efrînê tevî koçberan 600 hezar derbas kiriye û qutkirina avê karesateke mirovî bi xwe re tîne.
