Serokê Sûriya Beşar Esed got: Eger HSD navçeyên di destê xwe de, bi riya danûstandinan radestî me neke, emê hêzê bikar bînin.
Beşar Esad di hevpeyvînekê de li gel kenaleke Rûsî, derbarê desthilata Hêzên Sûriya Demokrat li navçeyên bakurê Sûriya got: Du bijarde li ber HSDê hene, yekem danûstendin e, ku niha Hikûmeta Sûriyê deryê lihevhatinan û gotûbêjan vekiriye û pêwîst e HSD weke hêzeke Sûrî ku ji miletê Sûriyê pêk tê, vê bijardeyê hilbijêre.
Derbarê bijardeya duyem de jî Esad got: Eger HSD wan navçeyan bi rêya danûstendinan radestî me neke, emê wan navçeyan bi rêya hêzê ji HSD bistînin.
Berî niha gelek caran serokê Sûriyê ragihandibû, ku pêwendiyên wan yên baş bi YPG û HSDê re hene û ew berdewam alîkariya wan bi çekan û pêdiviyên serbazî dikin, lê piştî ku artêşa Sûriyê piraniya navçeyên di destê opozisyonê de kontrol kir û bi ser xwe ve hat, niha dixwaze dubare navçeyên Rojavayê Kurdistanê bi temamî kontrol bike, ku bi gotina ENKSê, rêjîma Sûriyê di sala 2012an de, bi rêkeftineke siyasî desthilat li ser navçeyên Rojavayê Kurdistanê radestî PYDê kiribû û niha dixwaze dîsa wan navçeyan vegerîne. Bas
