Çavdêrên siyasî dibêje êdî dem hatiye ku PYD û rêveberiya xweser herêmên di bin destê xwe de ku rêjîma Sûriyê teslîmî wan kiribûn careke din li sûriyê vegerînin, û Îlham Ehmed jî serkirdeya Tev-Dem û PYD ji bo wê yekê çûbû Şamê.
Meclîsa Sûriya Demokratîk (MSD) jî, ku ji aliyê Tev Dem û PYD ve tê îdarekirin, wê yekê red dikin.
Meclîsa Sûriya Demokratîk (MSD) di derbarê serdana bo Şamê daxuyaniyek belav kir û ragihand: “Biryar hatiye girtin ji bo nexşerêya pêkanîna Sûriyeke nenavendî û demokratîk, komîte bên avakirin.”
Şanda MSDê li ser vexwendike fermî serdana Şamê kiribû û bi berpirsên rejîma Sûriyê re hevdîtin pêkanîbûn.
MSDê di derbarê hevdîtinên ligel rejîma Sûriyê daxuyaniyeke nivîskî beşav kir.
Hat diyarkirin ku ev hevdîtin ji bo destpêkirina diyalogên berfireh bo çareserkirina qeyrana Sûriyê dê bibe bingehek.
Hat bibîrxistin ku berî vê civînê li bajarê Tebqa jî hin hevdîtin pêk hatine. Herwiha ragihandin ji bo çareserkirina krîzê û avakirina Sûriyeyeke nenavendî û demokratîk biryara damezrandina komîteyan hatiye girtin.
Serokê rejîma Sûriyê Beşar Esed berî niha banga diyalogê kiribû.
