Di bîranînê de, li gel malbata Arşevê Oskan, dost, heval û hogirên wî, her weha gelek nivîskar, helbestvan û hunermend jî beşdar bûn.
Wêneyê Arşevê Oskan yê ciwan ku evîndarê Ala rengîn û zimanê kurdî bû, bi Ala rengîn û pirtûkên wî hatibû xemlandin.
Bîranînê li ser piyan bi sirûda netewî Ey Reqîb û bi rêzgirtinê destpêkir. Dûre bi amadekirina hunermend Zuber Salih li videoya li ser kurtejiyana Arşevê Oskan hate temaşekirin. Peyam û birûskên ji bo bîranînê yên ku ji gelek kesayet, komele û dezgehan hatibûn ji aliyê hevalê wî nivîskar Qado şêrîn ve hate xwendin.
Di bîranînê de, heval û hogirên Arşevê Oskan li ser keda wî ya mezin ji bo ziman û helbesta kurdî axivîn. Bi hêsirên beşdaran re Helbestên wî hatin xwendin.
Hinek ji kesên ku axaftin kirin ev bûn:
Mihemedê Derwêş hevalê ku di kar û çalakiyan bi Arşevê Oskan re gelek kar û xebat kirine li ser xebata Arşev axivî û xemgîniya xwe anî ziman.
Hisên Qasim ( Bavê Cûdî) ku yek ji hevalên Arşev yê nêzîk bû , got ku ezê neha behsa Arşev bikim û ez ê we bêhtir xemgîn bikim û behsa keda Arşev ya hunerî, her weha cenga wî ya li himber nexweşiya dijwar bê çare kir.
Hunermend Zubêr Salih got ku wî awaz daye helbestek Arşevê Oskan û wê di nêzîk de derkeve, lê mixabin negihaşt ku Arşev lê guhdar bike.
Hunermend Bangîn got ku ewê helbesta Arşevê Oskan bi awaz bike û ew ne tenê soz dide lê belê xwe mecbûr hîs dike ku helbesta wî bi awaz bike.
Keça Kurd helbesta xwe ya ku ji bo Arşevê oskan nivîsandibû di bîranînêde xwend.
Mahmudê Abûzêd, heval û piştgirê Arşevê Oskan, got ku Arşev di wesiyeta xwe de gotibû ku wî bibin welêt, tabûta wî bi ala rengîn dorpêçkirî û rêwîtiya wî ji sînorê Ttirkî heta gundê wî li ber strana Şivan perwer ya ”Hevalê bargiranim”bibe. Lê hezar carî mixabin ku tabûta Arşev bê ala rengîn bû…
Hunermend Elîyê Sofî ku hevalê Arşev yê zaroktiyê bû û gelek helbestên Arşev bi awaz kiriye got ku wî hunera xwe bi saya helwest û helbesta Arşevê Oskan nas kiriye.
Hunermend Ronican ku gelek helbestên Arşev wî bi awaz kiribû hestên xwe yên xemgînîyê anî ziman û hin helbestên Arşev bi kelogirî gotin.
Hinek ji axaftvanên din jî ev bûn:
Nivîskar Qado Şêrîn-birûsk û name xwend. Helbestvan Tengezarê Marînî-axaftin û helbestek dirêj ku destpêka wê bi helbestek Arşevê Oskan destpêkiribû, xwend. Helbestvan Dilyarê Dêrikî li ser hin bîranînên xwe bi Arşev re axivî., Canda Binbaşî – Encûmana niştimaniya Kurd li Sûriyê, herêma Nordrhein Westfalen li Elmanya. Newafê Xelîl – rêxistina Ewropa ya pyd. Bavê Ciwan – Hevgirtina Libral ya Kurdistana Sûriyê. Heybet (Bavê Helepça) Şepêla niştimanî ya Kurd li Sûriyê. Hukmet Ezîz – Rêrxistina parastina mafê mirovê Kurd li Sûriyê.
Encûmena Ezdayiyên Sûriyê, .Kurdo (Bavê Sêrzad) – Hevrêza Avahî li bajarê Dirbasiyê.
Pêşkeşvanê bîranînê Bawerê Omerî bû….
Sersaxî ji bo malbat, hevalên Arşevê Oskan û gelê kurd….
Roza Kurd 2012-01-05 Herne/Almanya.
