Aydogan ne Kurd e û ne jî xwedî hesasiyeteke Kurdayetiyê ye; lê di dilê Kurdan de bûye parlamenter.. Kê ew kir parlamenterê Amedê, ji bo çi kir, di vî karî de berjewendiyên Kurdan çi bû, li Amedê ma Kurdek nemabû ku Aydogan hate hilbijartin?..
Ev pirs li aliyekî..
Ji aliyê din ve..
Em qebûl bikin ku Kurdan şaşîtiyek kir û ew li Amedê kirin berendam..
Le wê çawa qebûl kir, ji bo çi qebûl kir? Ev qawet ji kê û çi wergirt?
Ev pirs jî bila bimînin..
Niha wek ku li Amedê û Kurdistanê parlamentereka/î Kurd nemabe..
Xanimê li ser hatina Barzanî ya Amedê xwe berpirsiyar dibîne û Barzanî rexne dike.. Di vî karê xwe de jî xwe dixe bin siya Ocalan..
Barzanî û Ocalan; PDKê û PKKê, Başûr û Bakur bera hevdu dide.
Nursel Aydogan,
Serokê Kurdistana Başûr..
Hatiye Amadê ya Anqerê..
Vatîkan an Parîsê..
Çi karê te pê ketiye?
Te çi eleqeder dike?
Ev poz bilindî û pozbilindiya Te ji ber çi ye?
Tu kî ye, Tu çi ye?
Kara Te çiye û zirara Te çiye?
Tu xwedî û Xwedayê Kurdan î?
Tu vê teqet û hêza xwe di nav Kurdan û dilê Kurdistanê Amedê de ji ku û kê werdigerî?
Gelek Tirkên weke Aydogan di tevgera Kurdî de hatin û çûn..
Diçin û tên..
Ewê werin û herin; herin û werin..
Lê tu kes ne ewqasî jêhatiyê ku karibe xwe veşêre..
Herkes karê xwe dike..
Dogu Perinçek û Yalçin Kuçuk karê xwe kirin û çûn..
Niha Nursel Aydogan û çendekî din li ser dikêne..
Em çi bikin, mijara Kurd û Kurdistanê ewqasî mezin û tevlihev e ku..
Nursel Aydogan a ji Bursayê li ser navê me Kurdan diaxive û helwest digire..
Herkes karê xwe dike.
Lê bi ya min, ji herkesî kêmtir, Kurd karê xweyî Kurdayetî dikin..
Ev Tirk, di nav tevgera Kurd de, vê qaweta xwe ji ku û ji kê distînin?
Min jî ev fam nekir û bû derd û kulek di dilê min de..
