Qasim Şeşo, Fermandarê Hzên Pêşmerge li Çiyayê Şingalê ji KDP.info re ragihand: “Di nava sê rojên borî de 47 kurdên Êzîdî li sînorê Tileferê ji destê çekdarên DAIŞê reviyane û gehiştine Çiyayê Şingalê, me jî ew şandin Zaxo û Dihokê bo nav kes û karên wan, ku tenê duh jî 200 kesji nav destê wan reviyabûn û piraniyan wan zarok û keç bûn.”
Şeşo wiha got: “Ew nûçeyên ku dibêjin tenê çekdarên YPGê û Pêşmergeyên YNKê li ser Çiyayê Şingalê ne, derewin û ji rastiyê dûrin, ji ber ku ji serî de her Hêzên Pêşmerge li wê deverê bûn û niha jî tenê em şerê DAIŞê dikin û ti kesekî din e.”
Derbarê wan gotinên ku dibêjin qaşo Hêzên Pêşmerge cihê YPGê ji balafiran re diyar dike da ku wan bombebaran bikin, wî Fermandarê Hêzên Pêşmerge got: “Ew nûçe bi ti awayî ne raste û em bi ti awayekî nûçeyên wisa ji ti kesî qebûn nakin, ji ber ku ev daxuyanî nakevin berjewendiya ti aliyekî.”
