11 koçberên kurd ji Efrînê, ku dixwestin di Tirkiyê biçin Yunanistanê û ji wê derê xwe bigihînin hinek welatên din yên Ewropa, di bûyereke trafîkê de jiyana xwe ji dest dan.
Ew qezaya trafîkê li ser riya di navbera istenbol- izmîrê de çêbû.
Otobusa ku rêwî radikirin, li ser riyê li dîwarekî çîmento qelibî û di encamê de 11 kes mirin.
Di wê otobusê de 39 koçber hebûn, 28 kesên ku nemirin jî birîndar bûn û ji bo nexweşxaneyên bajarê Balikesîrê hatin şandin.
Sedema qezayê jî, lezbûna otobusê bû, şofêr dixwest wan zû bigihîne sînorê Yunanistanê.
Di nava miriyan de, Hisên Dedo, muhemndis Ehmed Topal ku bavê 3 zarokane heye, ew ji gundê Hec Xelîl in.
