Serokê Herêma Kurdistanê Mesûd Barzanî di hevpeyvînek ligel rojnameya birîtanî Guardianê de ragihand, Peymana Sykes Picotê 100 sal dema xwe tije kiriye û pêwîst e li Rojhilata Navîn ser peyameke nû xebat bên kirin.
Mesûd Barzanî di hevpeyvîna îro hatiye weşandin de diyar kir, bi taybetî li Iraq û Sûriyê derfetên pekvejiyanê nemane û ji ber vê yekê jî divê nexşeyên herdu welatên navborî werin guhertin.
Derbarê serxwebûna Kurdistanê de jî Barzanî anî ziman Kurdistan ji hemû deman zêdetir nêzîkî serxwebûnê bûye û herwiha ev yek ji aliyê civaka navneteweyî ve jî hatiye qebûlkirin.
Serokê Herêma Kurdistanê got: “Jixwe li Iraq û Sûriyê di navbera netew û taîfa de cudabûn çêbûye û eşkereye ku israrkirina li ser peyamaneke 100 salan berê feyde nade ti aliyan.”
Herwiha Barzanî amaje kir ku çênabe Herêma Kurdistanê wek welatên Afrîkayê were dîtin û got: “Me beriya Afrîkayê ev yek tecrûbe kir. Di sala 2013an de em bi hemû hêza xwe girêdayî Bexdayî bûn, lê me dît dema ku çênebe çênabe. Çimkî kultûra pekvejiyanê li Iraqê bidawî hatiye.” Rûdaw
