Avestakurd – Serokwezîrê Hikûmeta Herêma Kurdistanê Nêçîrvan Barzanî da diyarkirin ku, petrol malê xelkê Îraqê ye û divê ji bo xweşkirina jiyana xelkê Îraqê be.
Nêçîrvan Barzanî di yekemîn Konferansa Enerhijiyê ya Navdewletî de ku îro li paytexta Herêma Kurdistanê destpêkir de axivitinek pêşkêşkir. Serokwezîrê Herêma Kurdistanê di axivitina xwe de giranî da samanên siruştî û got “Em hêvî dikin ku samanên siruştî bibe sedema baştirkirina jiyana hemû gelên Iraqê, hatina Wezîrê Enerjiyê yê Tirkiye ji bo herêmê nîşana têkiliyên bihêz ên Kurdistan û Tirkiye ye, em dikarin enerjiyê ji bo xweşkirina jiyana hemwelatiyan bikar bînin ne ji bo nexweşî û şer!” Nêçîrvan Barzanî behsa têkiliyên ligel Tirkiyê û rola petrolê di cîhanê de bilise kir û got ” Niha Tirkiya mezintirîn hevbeş û veberhêner e li herêmê, em kêfxweşin têkiliyên me digel Tirkiya derbasî qonaxeke nû di warê enerjiyê de bûne, em vê têkiliyê bilind dinirxînin, em ê li gor destûra Iraqê berdewam bin li ser siyaset û karên xwe di warên petrolê de, petrol û gaza herêmê dê rolekî wê yê girîng di peydakirina enerjiyê li cîhanê de hebe.” Nêçîrvan Barzanî di berdewamiya axivitina xwe de bal kişand ser pêşketinên di warê petrolê de li Herêma Kurdistanê bûyîn de û got ” Di pêvajoya 5 salên derbasbûyî de, me pêngavên rast û baş di warê petrolê de avêtine û ev pêşketinên li Herêma Kurdistanê çêbûne mînaka vê ye. Em daxwaz dikin qanûna petrol û gazê li Parlamentoya Iraqê de, di zûtirîn dem de bê pesendkirin daku li gor qanûn û destûr reftar digel petrola herêmê bê kirin.” Her weha Nêçîrvan Barzanî da diyarkirin ew girêdayî destûra Îraqê ne û ew girêdana me bo avakirina paşerojekî baştir re bo Kurdistan û Îraqê.
Avestakurd
