Di destpêka axaftina xwe de serokwezîr Nêçîrvan Barzanî behsa nedestûriya hikûmeta Iraqê kir beramber xelkê Kurdistanê.
Barzanî got, behsa ne edaletiya hikûmeta Bexdayê kir di derbarê parvekirina samanên sirûştî û dahatûya Iraqê.
Nêçîrvan Barzanî got, tiştê ku hikûmeta Iraqê dike nakeve xizmeta pêşketin û berjewendiya Iraqa Federal.
Di berdewamiya axaftina xwe de got, ew siyaseta Minetê qebûl nakin û nahêlin kesek mineta xwe li gelê Kurdistanê bike.
Barzanî diyar kir ku di destûra Iraqê de çawa hatibe divê wiha jî pêk were.
Di derbarê dabeşkirina jêderên sirûştî jî Barzanî got, divê li gora rêkeftina sala 2011 ya di navbera Bexdayê û herêma Kurdistanê de hatibû îmzekirin, pêk were.
Serokwezîrê Kurdistanê got, rojane ji her Palawgeh Bîce û Dore, di navbera 600-700 hezar bermîl nefta xav derdikeve.
Serokwezîrê Kurdistanê bi beşekî din yê axaftina xwe de behsa serdana xwe ya ji bo Tirkiyeyê kir û ragihand ku, di vê serdana xwe ya dawî de wan helwesteke erênî û baş li hember xelkê Kurdistanê ji aliyê berpirsên Tirkiyê ve dît û ev yek jî dibe sedema xurtbûna pêwendiyên heyî yên di navbera her du aliyan di pêşerojê de.
Nêçîrvan Barzanî her wiha behsa karê wezaretan kir û got, ew baş birêve naçin û ew kar bûye rotîn.
Barzanî biryar da ku her hefte wezîr serdana parêzgehan bikin û ji nêzîk ve kêşeyan bibînin û li hemwelatiyan guhdarî bikin .
AVESTAKURD
