Zana di destpêka axivitina xwe de got “Dixwazim bê zanîn ku, min bi wijdanê xwe, bi dilê xwe, bi ezmûna xwe ya siyasî û pêşdîtina xwe tevgerkir.” Zana di axivitina xwe de daxwazên ji Serokwezîrê Tirkiyê kirîn rêz kirin. Ti cudahî di navbera daxwazên Zana, PKK’ê û BDP’ê de nebûn. Gelo daxwazên Zana çi bûn? 1. Hevdîtinên Oslo li devera mayî sekinî careke din bê destpêkirin. 2. Bila dewlet ji ber kêmasiyên xwe tewanên li dijî gel kirî lêborînê bixwaze. 3. Ocalan ji girtîgehê rakin zîndaneke malê. 4. Dersên bijarte erênî ye, lê ji daxwazên Kurdan yên perwerdeya bi zimanê dayîkê dûre. 5. Gotina “Çek danin, paşê operasyon dê rewstin” ji rastiyê dûre. 6. Ji bo çekdanînê divê pêngavên liberçav bên avêtin. Eyûb Can di qoncika xwe ya rojnameya Radîkalê de balê dikişîne ser xaleke girîng. Û dixwaze bide diyarkirin ku Zana bê Serokê PKK’ê Ocalan ev daxuyanî nekiriye. Eyûb Can li jêderekî girîng bê ku nav bide vê yekê bi şêwaza diyalogê tîne ziman. “Eyûb Can: Başe ev nêzîkî saleke ku destûr nadin Ocalan ligel parêzer û nasê xwe hevdîtinan bike?
Jêder: Dikene “Lê bi berdewam ligel berpirsên dewletê hevdîtinê dike.” Li gor nivîsa Eyûb Can, pirseke din dikeve rojevê, gelo Zana bi agahdariya Serokê PKK’ê Ocalan ev daxuyanî kir?
Avestakurd
