Piştî ji egera bernameya nukleerî zextên navneteweyî li ser Îranê zêde bûn û dorpêçkirina petrolê ya Ewrûpa li ser Îranê, dewleta Îranê dest bi ezmûnkirina moşekên xwe kir û her ku diçe nakokî li deverê germtir dibin. Rêveberiya Tehranê ragihand ku ew li dijî her êrîşeke bê amadene û ger hat û êrîş bû, dê hemû binecihên Emerîka li Rojhilata Navîn ji bo me hedef bin. Fermandarê Parêzvanên Şoreşê yê Hewayî Emîr Elî Zadeh jî ji çapemeniya Îranê re ragihand ku ‘hemû binecihên leşkerî yên Emerîka û Îsraîl di hedefa moşekên me de ne, û diyarkir ku “Me ji bo tunekirina hedefan piştî êrîşê deverên bicihkirina moşekan destnîşan kir.” Hêjayî gotinê ye, Îran dide diyarkirin ku moşekên wan ji dûratiya 2 hezar kîlometir li hedefê dixe. Ji aliyekî din ve Îsraîl dide diyarkirin ku ger hat û rêyên dîplomasî bi serneket dê rêya leşkerî têxin dewrê. Emerîka jî dibêje “Di nav de leşkerî jî, hemû rê li ser mêzê ne.”
Avestakurd
