Di civîna duhî de (24/7/2012) ji aliyê MGRK’ê û ENKS’ê de biryara avakirina Heyeta Bilind hate wergirtin. Li gor lihevkirin û biryara di civînê de hatî wergirtin, heyet ji 10 kesan pêk tê û ji her alî 5 kes di nava vê Heyetê de cîh digirin. Ev heyeta ku dê ji her alî ve Rojavayê Kurdistanê birêxistin bike ji van kesan pêk tê; ji aliyê MGRK’ê ve : Salih Msilim, Sînem Mihemed, Aldar Xelîl, Ronahî Delîl, Ebdulselam Ehmed. Ji aliyê ENKS’ê ve jî: Ehmed Silêman, Saeud Mele, Smaîl Heme, Nasir Altin Brahîm, Muhiyealtin Şêx Elî. Li gor agahiyên ji Rojavayê Kurdistanê tên, avakirina Heyeta Bilind ya Kurdên Rojava ji aliyê gel ve bi germî hate pêşwazîkirin û dê Kurd li roja yekşemê bi dirûşmeya ‘Heyeta Bilind Nûnerê min e’ li seranserî Rojava bi şahî û meşan bê pîroz kirin. Hêjayî gotinê yê, êdî her biryarek ji bo Herêmên Rizgarkirî û Kurdên Rojava yê ji aliyê vê heyetê bê dayîn û heyet berpirsiyarê hemû rêxistinkirina Kurdên Rojava ye.
Avestakurd
