Li gorî nûçeya rojnameya New York Timesê, Amerîkayê çek firotina xwe 3 qat zêde kiriye. Amerîkaya ku di sala 2010 an de, bi 21.4 mîlyar dolarî çek firotibû, di sala 2011 an de, bi 66.3 mîlyar dolarî çek firotiye.
Di nav welatên ku ji Amerîka çekan dikire de, Erebistana Siudê di rêza yekem de ye. Erebistana Siudî, 84 F-15 balafirên şer, fuze, cebirxane û gellek çekên din ji Amerîka kirîne.
Dîsa Emîrtiya Erebên Yekbûyî, ji Amerîka 3.49 mîlyar dolarî pergala parastina hewayê, radar û fuze kirine. Ummanê jî, ji Amerîka 18 heb F-16 balafirên şer, bi 1.4 mîlyar dolarî kiriye.
Di nav welatên ku ji Amerîkayê çekan dikirin de, Hindistan û Taywan, herî zêde balê dikişînin ser xwe. Hindistanê ji Amerîkayê 4.1 mîlyar dolarî, Taywanê jî bi 2 mîlyar dolarî çek kirine.
