Di serî de li herêma Botanê, li gellek deverên Kurdistanê, cerdevanên ku şer naxwazin çekan datînin. Li ser zêdebûna pevçûnên di navbera gerîlayên PKKê û hêzên dewleta Tirkiyê de, cerdevanên ku her tim ji wan tê xwestên, li pêşiyê şer bikin, nerazîbûnên xwe nîşan didin û çekên xwe radesta qereqolan dikin. Bi vî awayî, di nav hefteyekê de nêzika 50 cerdevana çekên dewletê danîne.
Çend rojan berê, li gundên navçeya Qilebanê a Şirnexê, li Elemun û Aroşê, 20 cerdevana bi hev re çekên xwe radesta Fermandariya Tugaya Becuhê kiribûn. Dîsa li Berwariya Sêrtê û Bêşebabê jî gellek cerdevanan çek berdabûn.
