Di derbarê peydabûna hîvê de teoriyeke teze. Zanyar îdia dikin ku hîv parçeyekî dinyayê ye û piştî ku dinya, bi cîsmekî ezmanî re lihevket, hîv peyda bûye. Tê diyar kirin ku, madeyên hîvê pêk tînin jî hemû aîda dinyayê ne.
Zanyarên Zanîngeha Harvardê Sarah Stewart û Matija Cuk, teoriya xwe li ser madeyên dinyayê û hîvê yên ku heman in ava dikin. Her du zanyar, di kovara Science’yê de gotarek weşandine û ev teoriya xwe a dawîn a ku îdia dikin, hîv ji dinyayê qetiyaye wek tezekê pêşkêşî xwendevanan kirine.
Li gorî teza ku heta niha zanyaran qebûl kiriye jî, hîv, ne ji dinyayê, dema ku cîsmê ezmanî û dinya lihevketin, parçekî ku ji ev cîsma ezmanî qetiyaye pêk hatiye.
