“PYD nikare Kurdistana Sûriyê kontrol bike“

Serokê Herêma Kurdistanê der barê hebûna rastiya pirsa Kurdî li Rojavayê Kurdistanê de got “Li Sûriyê (Rojavayê Kurdistanê) pirsa Kurdî heye, rastiyeke Kurd heye. Em tênegihiştin nenaskirina dewletên li Herêmê ji realîteya Kurdên Sûriyê re. Her parçeke Kurdistanê taybetmendiyên xwe hene, têguhartin. Dê pirsa Kurdî li Sûriyê çawa çareser bibe? Em li ser vê disekinin. Aliyê Ereban ji destpêka sala 1962’an siyaseta Erebkirinê li Kurdistana Sûriyê meşandin. Lê di vê yekê de bisernektin. Niha jî divê relaîta Kurd bêdîtin.” Serok Barzanî der barê pirsa PYD’ê de jî diyarkir ku PYD’ê nayê înkarkirin û weha pêdeçû “PYD’ê nayê înkarkirin. PYD’ê li Kurdistana Sûriyê heye. Lê, ji derveyî Sûriyê ev kar gelek tê mezinkirin. Li Sûriyê Kurd hene! Kurdên li wir Kurdên Sûriyê ne. Kurdên li wir dikarin hez ji PYD’ê jî û PKK’ê jî bikin. Lê dikarin ji hinek komên dij jî hez bikin.” Û got jî “Ji bo me ya girîng li Kurdistana Sûriyê Kurd pevneçin. Ev yek ji bo me gelek girînge. Ji aliyekî din ve, bê guman ji bo girînge ku Kurd û Ereb jî pevneçin.” Serokê Herêma Kurdistanê der barê mijara PYD’ê de weha dewam dike “Ez bi wê bawerim ku; Kurd di navbera xwe de, di têkiliyên di navbera Kurd û Ereban de, Ereb di navbera xwe de, gelên Sûriyê di navbera xwe de pirsên xwe di çarçoveya demokrasiyê de dê çareser bikin. Nayê qebûlkirin ku PYD’ê di vê qonaxê de aliyê zext û xerabkirinê be. Hêj zû ye. Heta ku girêdayî qonaxa demokrasiyê be kesek li dijî wê dernakeve. Lê, ger ji derveyî demokrasiyê derbikeve û berê xwe bide bernameyên cuda; ne Kurdên Sûriyê, ne aliyên din, ne jî em vê yekê qebûl dikin.” Her weha li ser pirsekê, Serok Barzanî diyarkir ku ew qebûl nakin mafên Kurdên Sûriyê bê înkarkirin û got “Heta îro nasnameya Kurdên Sûriyê nehatiye naskirin. Heta nasnameya wan nîne. Berî her tiştî divê realîta Kurdên Sûriyê bê daîtin. Du milyon û nîv Kurd hene. Ji bo me ev hebûna Kurdan li Sûriyê girînge. Ji bo me Kurdên Îraqê girînge ku ew bigihin mafên xwe. Em qebûl nakin ku mafên wan bê înkarkirin. Lê, ew ê biryar bidin bê ka dê sîstemeke çawa bê Sûriyê.” Li ser pirseke Hesen Cemal der barê têkiliyên PYD’ê û rejîma Sûriyê de jî, Serokê Herêma Kurdistanê weha got “Ya girîng li vir, mijar deriyê li Kurdistana Sûriyê vebûyî şansek bû ji bo PYD’ê? Yan jî gihiştina xala îro, PYD’ê berhema badora xwe ye? Hêj em nizanin. Em dinirxînin. Min jî hêj bersiv negirtiye…Hêj di serê min de îşretên pirsê neçûye.” Û got “Ev pirs li cem me heye. Hêj me bersiva wê wernegitiye. Esd e, yekî dine? Pirs maye. Nikarim biryarê bidim. Lê ev rastiyeke; PYD’ê ne di wê hêzê de ye bi xwe kontrola Kurdistana Sûriyê bike. Aliyên cuda jî hene. Hêzên xwe jî hene. Bi taybetî heta niha me têngihiştine çawa li Rojavayê Kurdistanê îstîxbarat û hêzên ewlekariyê cihê xwe radestî PYD’ê dikin û li cem hev disekinin. Hêj zelal nebûye. Di navbera her du aliyan de peymaneke? Hêjî me bersiva vê wernegirtiye. Peymaneke yan jî lewazbûna rejîma Esed e? Em li ser vê yekê disekinin. Dubare dikim. Em niha li ser wê yekê disekinin ku li Kurdistana Sûriyê pevçûn di navbera Kurdan de neqewime.” Her weha di berdewamiya hevpeyvînê de Serokê Herêma Kurdistanê bersiva pirsên der barê çarenûsa gelê Kurd di warê serxwebûnê de dide û dide diyarkirin ku ew mafekî rewa yê gelê Kurd e û di rewşa îro ya cîhanê de her tişt dibe û gengaze. Serokê Herêma Kurdistanê der barê çareserkirina pirsa Kurdî de li bakurê Kurdistanê rêya aştî û diyalogê destnîşan dike. Li ser pirsekê jî der barê têkiliyên di navbera Serok Barzanî û Serokomar Celal Telabanî de Serok Barzanî diyar dike ku ‘dibe di hin pirsên biçûk de cudahî hebe, lê di pirsên sereke de em heman fikrin û dîtin yeke.’

Jîder: Milliyet – Avestakurd