Daxuyaniya ji aliyê Serokê Artêşa Azad Eqîd Riyaz El Esed ve hatî dayîn, Riyaz El Esed dide diyarkirin ku bûyerên li Serêkaniyê bûyîn hewl didin ku têkiliyên di navbera Ereb û Kurdan de xerab bikin û tenê xizmeta rejîma Sûriyê dike. Her weha Riyaz El Esed dibêje ku Ketîbeya Xuraba El Şam di bin sîwana Artêşa Azad de kar nake û nûnertiya Artêşa Azad nake, ji ber vê yekê jî tiştên ev ketîbe dike em xwe jê dişon. Riyaz El Esed balê dikişîne ser ala Kurdî jî û dibêje ku Artêşa Azad rêzê ji alê re digire û li ser tirimbêl û bargehên xwe digel ala serxwebûnê a Sûriyê bilind dikin. Serokê Artêşa Azad Riyaz El Esed teqez li wê yekê jî dike ku ew hewl didin aloziyê çareser bikin û rê li ber fitineyan bigirin û bang li xelkê Serêkaniyê dike ku li dijî fitineyan mil bi mil yek bin, rê li pêşiyê bigirin.
Avestakurd
