Sirwet wiha behsa girtina xwe dike:
“Ez li cem dikana xurxalitê xwe bûm. Ji nişkê ve otomobîlek li pêşiya derî sekinî û 8 kesên çekdar jê daketin. Ew kes ne ji Kobanî bûn, ew bi tirkî diaxifîn. Di serê min de lêxistin û ez avêtim otomobîlê, heta ku ez gihandin qereqolê têr li min dan…”
Sirwet berdewam dike: “Li wê derê ez di erdê re xuşandim û birim odeya îşkencê, dema ku min behsa şehîd Welat Hisî dikir, ew bêhtir har dibûn û li min didan. Ji min re gotin bila gora te li kuderê be, min jî got li kêleka gora Şehîd Welat…”
Sirwet dibêje, ew di zindanê de ji ber zilm û îşkenceya ku li wî dibû ew kete greva birçîbûnê, ne xwar ne jî vexwar.
Sirwet sedema girtina xwe wiha tîne ziman: “Wan ez sûcdar dikirim ku min di dema cenazeyê şehîd Welat Hisî de, ala TEV DEM daxistibû. Her wiha ji ber ku ez endamê Partiya Yekîtî bûm, dixwestin ez navê hevalên xwe bidim wan..”
Her wiha ew hatiye sûcdarkirin ku wî di dema rakirina cenazeyê de Welat Hisî de slogan li dijî PKK avêtine û pesna Artêşa Azad daye.
Weke tê zanîn, ji bo azadkirina wî, milet li Kobanî li dijê PYD-YPK derketibû meşê û çûbû pêşiya qereqola PYD azadkirina Sirwet xwestibû.
Welat Hisî ji aliyê çekdarên PYD ve hatibû gulebaran kirin û kuştin. Di rakirina cenazeyê wî de bi hezaran kes derketibûn kolanan û slogan li dijî kiryarên PYD avêtibûn.
Di wê rojê de milet êrîşî mala serokê PYD Salih Mislim kiribû (Vîdyo)
Linka nûçeya rakirina cenazeyê Welat Hisî
AVESTA KURD
