Di kombûna meclîsa Tirkiyê de a li ser Butceya Wezareta Zanist, Pêşe û Teknolojî û ya Wezareta Parastina Milî de, dema Parlementerê BDP’ê yê bajarê Şirnexê Hasîp Kaplan axivî meclîs li bin guhê hev ket. Kaplan got “Ez di nava artêşê de li leşkerekî bişeref û dilwêrek digerim. Kîjan siyasiyî fermana komkujiya Roboskiyê da.” Her weha Kaplan diyarkir ku “60 ji sedî Hêzên Çekdarên Tirkiyê têne darizandin. Ez ji Hêzên Çekdar yên Tirkiyê pirs dikim; birayên ev we çi kiriye?” Kaplan got jî “Îro, yên bi pile ku li pişt birêz Serokwezîr rûniştîne dê sibe çi ji wan bê, jiyana wan nemîsogere.” Hasîp Kaplan der barê komkujiya Roboskiyê de got ” Ez di nava artêşê de li leşkerekî bişeref û dilwêrek digerim. Kîjan siyasiyî fermana komkujiya Roboskiyê da, em weke Şirnexî, weke Qilebanayî soz didin fermandar jî pîlot jî efû bikin.” Piştî axivitina Kaplan, AKP’liyan, CHP’liyan bi axivitina êrîşî Kaplan kirin û gotin ku “We terorîstan sînorê xwe derbas kir. Vê Meclîsê artêşa bişeref ya Tirkiyê ava kiriye.”
Avestakurd
