Li gor Reutersê, herçend Emerîka ne terefdara boriyeka xweser ya ji Kurdistanê bo Tirkiyeyê ye jî Kurdistan ji ya xwe nayêt xwarê û dê projeya avakirina boriya petrolê temam bike. Aştî Hewramî di preskonferansê de got:
— Em dixwazin ko boriyeka me bi xwe hebe. Niho xebat li ser danîna wê boriyê têt kirin û em dê berdewam bikin heta ko temam bibe.
Para Kurdistanê ji petrola Iraqê ji % 17 ye. Ji bo bikaranîna li bazara nêvxweyî Iraq tenê ji % 3-yê para Kurdistanê rêdike. Kurdistan jî bi rêya tankeran petrolê rêdike Tirkiyeyê da wê kêmasiyê temam bike.
Kurdistan bi rêya tankeran rojane li dor 20 000 varêlên petrolê rêdike Tirkiyeyê û li hemberî wê berhemên petrolê yên rafînekirî werdigire. Dema ko boriya petrolê temam bibe Kurdistan dê bikare rojane zêdetirî 200 000 varêlan û di paşerojê de rojane yek milyon varêlên petrolê eksport bike. Nefel
