Sererkana Tirkiyê, di mijara pêvajoya Îmraliyê de anketek lidarxistiye. Daneyên anketa Sererkana Tirkiyê wiha ne:
– Rêjeya Tirkên ku hêvî dikin li ser xaka Tirkiyê bi Kurdan re pêşerojeke hevpar wê ava bibe ji % 70.7 e. Kurdên ku bi Tirkan re li ser xaka Tirkiyê pêşerojeke hevpar hêvî dikin jî ji % 90.3 ye.
– Kurd, ji % 94 ala Tirkiyê wek ala xwe dihesîbînin. Rêjeya Kurdên ku sirûda Tirkiyê a bi navê “Sirûda Îstîklalê” wek sirûda xwe dibînin jî ji % 91 in.
– Kurdên ku dihizirin, bi destpêkirina pêvajoya demokratîk, li hemberî Kurdan nêzikatiya karmendan baştir bûye ji % 35.6 e.
– Li gorî anketê, baweriya Kurdan a bi dewletê bilind bûye. Kurdên ku dibêjin baweriya me bi dewletê heye ji % 40.6 e.
– Kesên resen Tirk yên ku dihizirin, hevdîtinên bi Ocalan û PKKê re wê ji xurtbûna wan re xizmet bike ji % 84 e. Di vê mijarê de rêjeya Kurdan ji % 51.9 e.
– Rêjeya Kurdên ku dihizirin, “dewlet wê pirsgirêka Kurd çareser bike”, ji % 51.3 ye. Rêjeya Kurdên ku dihizirin dewleta Tirkiyê dixwaze ku pirsgirêka Kurd çareser bike jî ji % 49.7 e.
– Tirkên ku dibêjin, “pirsgirêk wê ji teref dewletê ve bê çareserkirin, rêjeya wan ji % 32.6 e.
– Ji % 79.1 kesên Tirk, dihizirin, mafên ku heta niha dewletê dane Kurdan bes in ji Kurdan re. Ji % 31.9 Kurd jî mafên ku dewletê dane ji bo Kurdan bes dibînin.
– Balkêş e, ji 100 Kurdî ancax jê 2.3 Kurd serxwabûnê dixwazin. Kurd, ji % 5.7 federasyonê dixwazin.
AVESTA KURD
