Rêberê rûhanî yê Katolîkan papayê nû Papa Francesco, piştî ku wek papa hate hilbijartin, bi raboriya xwe bi awakî berfireh di çapemeniya cîhanê de cih digre.
Ew 2 rojên dawiyê ne ku herî zêde sûretên Papa Francesco yên ku berê hatine kişandin, di medyaya civakî de tên parvekirin.
Papa, di ew sûretan de lingê xortên ku bi AIDSê ketine û yên ku bûne mubtelayê narkotîkê maç dike.
Ew sûretên papayê nû jê yek, di sala 2001 an de li Arjantînê, li mala lênêrînê hatiye kişandin. Papa Francesco, lingên 12 xortên ku bi AIDSê ketine dişo û maç dike.
Papa di sûreteke din de, li Buenos Airesa Arjantîn, li navenda rehabîlîtasyonekê, lingên xortekî ku bûye mubtelayê tîryakê maç dike. Ew sûreta jî di 20ê Adara 2008 an de hatiye kişandin.
Papa Francesco, 15ê Adara 2003 an de jî, dema ku li Buenos Airesê Serpîskopos bûye, lingên jineke ku nû zaye û yê zakokê wê dişo û maç dike.
Her roj di derbarê Papa Francesco de agahiyên nû derdikevin holê. Eşkere bû ku Papa, li fitbolîstê Arjantînî Lionel Messi û tangoyê pirr hezdike.
AVESTA KURD
