Di çapemeniya Tirkiyê de peyama Rêberê PKKê Abdullah Ocalan a ku di Newroza Amedê de hat xwendin, bi granî cihê xwe digire. Hema hema hemû qunciknivîs, bi nirxandina peyama Ocalan re hatine veqetandin.
Gellek rewşenbîr û kesayetên pispor, di siya gotina Ocalan a derbarê “Misak-i Milî” de nexşeyek xêz kirin. Li gorî pisporên wek Prof.Dr.Dogu Ergîl, ku berê rapora Kurd amade kiribû, Muhsîn Kizilkaya, Porf.Dr.Deniz Ulke Aribogan, sînorê nexşeyê, ji Tirkiye, Kurdistana Başûr, ku Kerkuk jî têde, Kurdistana Rojava pêk tê.
Prof.Dr. Dogu Ergîl, Misak-i Milî wiha dinirxîne: “Têgeha Misak-i Milî şêwiriya gelên Osmanî ye. Li dijî êrîşên derve yên welêt, bi hev re têkoşîn meşandin û êrîşên derve astengkirin e. Ne li dijî hev, li dijî dagirkerên derve banga şer kirinê heye.”
Prof.Dr.Deniz Ulku Aribogan jî dibêje, “Ocalan di peyama xwe de sînorên Misak-i Milî qest dike û di vê fikrê de dabeşkirina Tirkiyê an biçûk kirina Tirkiyê tine, xwegihandina sînorên ku di damezrandina Tirkiyê de dihatin armanc kirin heye.”
Li gorî nexşeya hatiye xêzkirin, di nav sînorên Misak-i Milî de, Tirkiye, ku Kurdistana Bakur jî têde, Kurdistana Başûr, ku bajarên wek Musul û Kerkuk jî têde, û Kurdistana Rojava ye. Yanê li gorî sînorên îro, parçeyek xaka Iraq û Suriyê tevlî Tirkiyê kirin e.
AVESTA KURD
