Hat îdiakirin ku, rejîma Esed li dijî taxa Kurdan Şêx Meqsûda Helebê, çekên kîmyewî bikaranîne. Di seeteke zûtir a vê sibê (13.04.2013) de, rejîma Esed bi helîkopteran taxa Şêx Meqsûd bombebarand. Di encama êrîşê de 2 zarok (Bekî Yunus û Yehya Yunis) û jinekê (Xebîr Nedaf) jiyana xwe ji dest dan. Ji ber bombebarandinê 15 kes jî bi jehrê ketin û brîndar bûn. Îdia ew e ku, rejîma Baas çekên kîmyevî bikaranîne.
Di dîmenên ku ANFê (Ajansa Nûçeyan a Firat) weşandine de, brîndarên ku dilerizin, nîv xerbilîne û ji dev û pozê wan şilemeniyeke spî tê xuda dike. Bijîşk diyar dikin ku, di bombebarandinê de siyanûr hatiye bikaranîn. Dîsa kesên ku ji bombebarandina rejîmê a li dijî taxa Şêx Meqsûd re govanî kirine dibêjin, ji helîkopteran bombeyên ku dişibiyan qutuyên konserwe dihatin avêtin.
Rejîma Suriyê, ji 29ê Adarê vir ve taxa Kurdan a Helebê Şêx Meqsûd û Eşrefiyeyê bombebaran dike. Heta niha di nav 15 rojan de 50 sivîlan jiyana xwe wenda kirine û zêdetirî 150 sivîl jî brîndar bûne.
AVESTA KURD
