Kadir Înanir, di sînemaya Tirkiyê de aktorekî cihgran e. Bi dehan fîlmên ku dert û jana gel a civakî tîne ser perda spî de lîstiye. Niha jî di nav Komisyona Aqilmendan de cihê xwe girtiye û ji bo ku aştî pêk bê dixebite.
Ji rojnameya Evrensel Nuray Sancar, bi Kadir Înanir re hevpeyvînek çêkir.
Înanir têkoşîna gelê Kurd di cih de dibîne û wiha dibêje: “Şerê Rizgariya Tirkiyê tenê gelekî neda, şerekî ku pirr gelan bi hev re meşand bû. Dewletek hate avakirin, hemû gelan bi hev re ava kir. Piştî ku dewlet ava bû, tenê gelekî ji dewletê sûd wergirt, ev bêedaletiya nayê qebûlkirin. Ji ber vê daxwazî derketin holê. Ku tu her tim gelekî tine bihesibînî, biçûk bixînî, edaleta civakî pêk neyînî, rûmetiya gelekî her tim bişkînî û bixwazî wana tine bikî, ew gela jî wê ew hesta êş û jan û tinehesibandina xwe berhev bike û xwe birêxistin bike. Wê xwe birêxistin bike û mafên xwe daxwaz bike. Wê berê xwe bide çiya. Ku tu her tim wî gelî biçûk bibînî ev jî wê serî hilde, ev tiştekî xwezayî ye. Înkarkirina gelekî ne li gorî rûmetiya mirov e.”
Înanir li ser pirsekê diyar dike ku, fikareyên wî jî hene lê bona aştiyê pêwiste her kes a ku ji destê wî tê bike. Înanir, “hin kes dibêjin ku, ‘ez jî aştiyê dixwazim lê le ku welat dabeş bibe?’ Ez jî dibêjim ku, aştî nexwestin dabeşiya welêt e. Bê vê ti siuda me tine ye. Ne mafê ti kesan e ku bi hestên gel bilîzin. Ku kî ji vê pêvajoyê vegere gel wana efû nake.”
Aktorê navdar Înanir, pirsa, “ji civakê beşek dibêje, ‘me pirr şehîd dan, êş kişandin. ewqas mirov mirin, ma hesabê vê wê neyê pirsîn?’ wiha bersivandiye: “Baş e, bila hesab bipirsin, gelo çima ew zarokana mirin? Ku kê ew zarokana şandine şer û bûne sedema mirina wan, bila wana bibînin û hesêb ji wan bipirsin. Bila wan partiyana bibînin û hesêb jê bipirsin.”
AVESTA KURD
